विश्व बैंकले चालू वर्ष नेपालको आर्थिक वृद्धिदर २ दशमलव १ प्रतिशतमा सीमित हुनसक्ने अनुमान गरेको छ । विश्व बैंकले दक्षिण एशिया क्षेत्रको आर्थिक अवस्थाको झलक सार्वजनिक गर्दै चालु आर्थिक वर्षमा नेपालको आर्थिक बृद्धिदर २ दशमलव १ प्रतिशतमा सीमित हुने प्रक्षेपण गरेको हो । यस अघि विश्व बैंकले चालु आर्थिक वर्षमा ५ दशमलव २ र त्यसपछि ५ दशमलव ५ प्रतिशतको आर्थिक वृद्धिदर हुने आकलन गरेको थियो । तर जेनजी आन्दोलन,बाढी पहिरो लगायतका प्रकोपका कारण नेपालको चालु आर्थिक बर्षको आर्थिक बृद्धिदर २ दशमलव १ प्रतिशतमा सीमित हुने र त्यसपछिको वर्ष आव २०८३/ ८४ मा ४ दशमलव ७ प्रतिशत आर्थिक वृद्धिदर हासिल हुने प्रक्षेपण गरेको हो ।
बिज्ञापन
बिज्ञापन
नेपालमा हाल देखिएको अस्थिरता तथा बढ्दो राजनीतिक र आर्थिक अनिश्चितताका कारण आर्थिक वृद्धिदर आगामी आर्थिक वर्ष २०८२/८३ मा घटेर २.१ प्रतिशतमा सीमित हुने अनुमान गरिएको छ, जसको सम्भावित दायरा ऋणात्मक १.५ देखि २.६ प्रतिशतसम्म रहने अपेक्षा गरिएको विश्व बैंकले भनेको छ । यस अघि विश्व बैंकले यसअघि सन् २०२६ मा नेपालको आर्थिक वृद्धि २ दशमलव ९ प्रतिशत हुने अनुमान गरेको थियो। तर नयाँ तथ्यांकअनुसार, प्रक्षेपण ० दशमलव ८ प्रतिशत विन्दुले घटेर २ दशमलव १ प्रतिशतमा झर्ने प्रक्षेपण रहेको छ ।
बिज्ञापन
विश्व वैकले सन् २०२७ मा भने आर्थिक वृद्धि फेरि उक्लिएर ४ दशमलव ७ प्रतिशत हुने अपेक्षा गरिएको छ।विश्व बैंकको अनुमानअनुसार दक्षिण एशियाको आर्थिक वृद्धिदर यसवर्ष ६ दशमलव ६ प्रतिशत हुनेछ । सन् २०२६ मा भारतको आर्थिक वृद्धिदर ६ दशमलव ५ प्रतिशत, भुटानको ७ दशमलव ३ प्रतिशत, बंगलादेशको ४ दशमलव ८ प्रतिशत, श्रीलंकाको ३ दशमलव ५ प्रतिशत र माल्दिभ्सको ३ दशमलव ९ प्रतिशत हुने प्रक्षेपण गरिएको छ।
